Эксперт: справа "Спартака" і "Камунаркі" — негатыўны сігнал інвестарам
У пятніцу стала вядома пра ліквідацыю назіральных саветаў буйных кандытарскіх прадпрыемстваў.
Яшчэ напярэдадні прыняцця рашэння пра іх фактычную нацыяналізацыю, наконт такой магчымасці выказаўся намеснік начальніка дэпартамента інвестыцыйнага банкінга ААТ "Інвестыцыйная кампанія "Энтэр" Алег Андрэеў.
У інтэрв'ю часопісу "Бизнес-ревю" ён адзначыў: "Гэта самым негатыўным чынам паўплывае на настрой патэнцыйных інвестараў і яшчэ раз падкрэсліць адсутнасць гарантый правоў уласнасці ў Беларусі. Калі да дзейнага ўласніка ёсць прэтэнзіі, іх трэба вырашаць выключна ў прававым і цывілізаваным парадку".
На думку Алега Андрэева, аптымальным варыянтам для дзяржавы быў бы выкуп актываў "Спартака" і "Камунаркі" па дамоўнай цане.
Фота — bymedia.net
